قصيده رائعه للبنوتات

السلام عليكم ورحمة الله وبركاته

هذه قصيدة للبنات رائعة وجميلة في معانيها

----------------------------------

قـالت أبخـتار المسـافة واكـتب حـروف البـعادي
واقـتل المـاضي بحـاضر وانبش جروح(ن) قديـمه

وابـهدم الآمـال فـينا اليـن يصير الحـب عـادي
واتركـك شـاعر معـذب مابـين هـتّان(ن) وديـمه

واضيـّعك وسط الرّمـال وبيـن جبال وبـين وادي
وتـنزف دمــوع المحـبّه عشان لي تحـط قيـمه

وابـهدر أيّـام(ن) خوالي واطعن أيّـام(ن) جـدادي
واحـط لك بـين المـزايـا كل أوصاف(ن) ذميـمه

لأني أدري بك محـاسن وعشـقي وشوقـي وودادي
مـايعـجبـك بس كيفـي براسهـا كبـرت حليمـه

مكبـره راسي عنيـده وغصب تتحـمـّل عنـادي
لا تقـول اني مخـرفـه كـل أعضـائي سـليـمه

بس أشـتهي تجريح قلـبك واقلب الليـله سـوادي
واشعل النيران تحتك وظـروف من فوقـك أليـمه

ودي أكشـف لـك حقيـقه ان طبعك مـب هـادي
تفـقد أعـصـابك بسـرعه وتولع بنار(ن) حميـمه

ينطـفي صـبرك ثواني ومااسرعك تروح غـادي
تنـهي جلسـاتك زعـول ومعي تختـمها بضيـمه

ولا تعـود الا بحـاجـه ولو تكون انـت بـادي
ولا تخـلّي لي اعتـبار رجـّال ماعنـدك شيـمه

كلـك أعـذار(ن) بخـيله والبخـل فيك اعتـيادي
مني ما ترضـيك كلـمـه وما ترجـع الا بوليـمه

تحـش فيـني من بعـيد وباسراري دايـم تنـادي
وقلت لو قـدام عـينك ماانحـرم مـنك يالعديـمه

كـل الرجـال شي ثـاني ما شغـلهم غير نـادي
وسهـر طـول الليـالي ترى بسوالـفـكم عليـمه

انتوا الرجال وش عليـكم فيني حرقـه في فـوادي
من العيـون اللي تـدور حتى غصـّت لي لقيـمه

تـدروا انا نغـار لازم وانـتوا تشـلّون الأيـادي
هنا كـف ويجـيب كف صارت الغـيره جريـمه

حنّـا نطـبـخ في جهـنم وانتوا كـلّه عـالبرادي
والقهـر لو شفـت واحد يـزف أربع من حريـمه

زوجـة فلان(ن) براحه وروح شـوف بنت فـادي
وشوف عليا وابتهاج(ن) وبعـد لا تنسى لك سليـمه

قلت محتـشـره يا عـيده كل هـذا هرج عـادي
لسانـكن ذراع طـوله وكـل سـوالفـكن قديـمه

تقـلبن الحرف جمله وتخـلـفن الصـاد ضـادي
ولو كانت الهرجه صغيره من هنا كلـمه وكليـمه

تشعـلن الحـرب فتـنه مابيـن لبـلاد وبـلادي
بس ابعـرف شي واحـد جاوبـيـني يا حليـمه

وشـلون اعتـرفوا بغـلطه لا وبعـد دايم تعـادي
ورا كـل رجـل عظـيم دايـم(ن) مرأة عظيـمه

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات

وكل التوفيق لك يا رب

تسلم علي المووووضوع