حبيب وماقدر أذوقه

يعذب خافقي شوفة حبيبٍ ماقدر أذوقه
وأنا أدري هو الباغي لما آبغى وبعد أقوى

ثلاث سنين مشتاقه وتوقه تركب التوقه
وقلبي ضامي لوصله بغيره ماهو بيروى

ويوم ان اللقا حل وغدا عاشق ومعشوقه
يسرّع نبضهم خوف اللقا وتزيده الرجوى

يناظرني بطرف عينه وأنا مقبل على طروقه
ياخوف انه أثر شوفي يبيّن من على الغطوى

وصرنا بحالنا نشقى مابين النوم والفوقة
يصوبني بنظراته وأنا صايبه باللقوى

وأنا خوفي لادل اللاش وشلة طيش مطفوقة
ونظرة صادقين الحب ماهي نظرة هل الشقوى

تبعنا بعضنا لين المكان اللي خلا سوقه
وجا قرب على مهل قريب في مكان خلوى

"عطيني اليد لاجل اني ارد للحلم محقوقة"
مسكت ايديه بايديّه ضحك من لمسة الرخوى

وكلمني بصوت اللي يسرّ بموضع الخوقه
فديت القول وراعيه وفديت الصوت بالنجوى

يادمعة شفتها تلمع - تبي تطلع - وسط موقه
فديتك يابعد دمع العيون اللي كثير يسوى

ضحيك السن متلألئ نظره مخايله بروقه
فريحٍ يومها محياه ماكانه صابته شقوى

شكرا لك ياغالي الله يعطيك العافية

شكراااا